വസ്ത്രധാരണവുമായി ബന്ധപ്പെട്ട ദിക്റുകൾ

അൽ കിതാബ് റീൽസ് / സ്റ്റാറ്റസ് / ഷോർട്ട്സ്

വിഷയം :

പുതു വസ്ത്രം ധരിക്കുമ്പോൾ ചൊല്ലുന്ന ദിക്ർ :

പുതു വസ്ത്രം ധരിക്കുമ്പോൾ ,  വസ്ത്രത്തിന്റെ ഇനം ( ഖമീസ്, തലേക്കെട്ട്, ....) പറയുകയും

താഴെ ചേർത്ത ദിക്ർ ചൊല്ലുകയും ചെയ്യൽ സുന്നത്താണ് :

 *اللَّهُمَّ لَكَ الْحَمْدُ أَنْتَ كَسَوْتَنِيهِ أَسْأَلُكَ خَيْرَهُ وَخَيْرَ مَا صُنِعَ لَهُ وَأَعُوذُ بِكَ مِنْ شَرِّهِ وَشَرِّ مَا صُنِعَ لَهُ*

ആശയം : അല്ലാഹുവേ, നിനക്കാണ് സർവ്വ സ്തുതിയും . നീയാണ് എന്നെ ഇത് ധരിപ്പിച്ചത്. ഈ വസ്ത്രത്തിന്റെ നന്മയേയും ഇത് ഉണ്ടാക്കപ്പെട്ടത് എന്തിനാണോ ആ നന്മയേയും ഞാൻ നിന്നോട് ചേദിക്കുന്നു. ഇതിന്റെ തിന്മയിൽ നിന്ന് ഇത് ഉണ്ടാക്കപ്പെട്ടതിന്റെ തിന്മയിൽ നിന്നും  ഞാൻ നിന്നോട് കാവൽ തേടുന്നു

🍓🍓🍓🍓🍓

ഹദീസ് :

عَنْ أَبِي سَعِيدٍ، قَالَ كَانَ رَسُولُ اللَّهِ صلى الله عليه وسلم إِذَا اسْتَجَدَّ ثَوْبًا سَمَّاهُ بِاسْمِهِ عِمَامَةً أَوْ قَمِيصًا أَوْ رِدَاءً ثُمَّ يَقُولُ:

അല്ലാഹുവിന്റെ റസൂൽ (സ്വ) പുതു വസ്ത്രം ധരിക്കുമ്പോൾ അതിന്റെ പേര് പരാമർശിക്കുകയും (തലേക്കെട്ട്, ഖമീസ്, മേൽവസ്ത്രം),

 *اللَّهُمَّ لَكَ الْحَمْدُ أَنْتَ كَسَوْتَنِيهِ أَسْأَلُكَ خَيْرَهُ وَخَيْرَ مَا صُنِعَ لَهُ وَأَعُوذُ بِكَ مِنْ شَرِّهِ وَشَرِّ مَا صُنِعَ لَهُ*

എന്ന ദിക്ർ ചൊല്ലുകയും ചെയ്യുമായിരുന്നു. (സുനനുത്തിർമുദീ)

https://sunnah.com/tirmidhi:1767

🍊🍊🍊🍊🍊

കൂടാതെ,ഏതു വസ്ത്രം ധരിക്കുമ്പോഴും

ചൊല്ലുന്ന പൊതുവായ ദിക്റും ചൊല്ലാവുന്നതാണ്

*الْحَمْدُ لِلَّهِ الَّذِي كَسَانِي هَذَا الثَّوْبَ وَرَزَقَنِيهِ مِنْ غَيْرِ حَوْلٍ مِنِّي وَلاَ قُوَّةٍ*

ആശയം:

എനിക്ക് ഈ വസ്ത്രം ധരിപ്പിക്കുകയു

എന്റെ ഭാഗത്തു നിന്നുള്ള ഒരു കഴിവും ശ്രമവും/ ശക്തിയുമില്ലാതെ എനിക്ക് ഈ വസ്ത്രം നൽകുകയും ചെയ്ത അല്ലാഹുവിനാണ് സർവ്വ സ്തുതിയും

(സുനനു അബീ ദാവൂദ്)

https://sunnah.com/abudawud:4023

🍓🍓🍓🍓🍓

B

പുതു വസ്ത്രം ധരിച്ച വ്യക്തിക്ക്  വേണ്ടിയുള്ള പ്രാർത്ഥന:

أَبْلِ وَأَخْلِق

താങ്കൾക്ക് ഇത് പഴകിക്കേ ടാവുവോളം ധരിക്കാൻ അവസരമുണ്ടാവട്ടേ (താങ്കൾക്ക് ദീർഘായുസ്സാവട്ടേ എന്നതാണ് ആശയം )

അല്ലെങ്കിൽ ,

أَبْلِ وَأَخْلِف

ആശയം : താങ്കൾ ഇത് പഴകിക്കേ ടാവുവോളം ധരിക്കുകയും ശേഷം പകരം താങ്കൾക്ക് വേറെ പുതിയ വസ്ത്രം ധരിക്കാൻ അവസരം ഉണ്ടാവുകയും ചെയ്യട്ടേ എന്ന് പ്രാർത്ഥിക്കുക.

സ്ത്രീക്ക് വേണ്ടിയാണ് പ്രാർത്ഥിക്കുന്നതെങ്കിൽ,

أَبْلِي وَأَخْلِقِي

എന്നോ 

أَبْلِي وَأَخْلِفي

എന്നോ ചൊല്ലാം.

🍓🍓🍓🍓🍓

മറ്റൊരു പ്രാർത്ഥന:

تُبْلِي وَيُخْلِفُ اللَّهُ تَعَالَى

ആശയം : താങ്കൾക്ക് ഇത് പഴകിക്കേ ടാവുവോളം ധരിക്കാൻ സാധിക്കട്ടേ, ശേഷം അല്ലാഹു തആലാ താങ്കൾക്ക് പകരം പുതു വസ്ത്രം നൽകട്ടേ

🍓🍓🍓🍓

ഹദീസ് : 1

عَنْ أُمِّ خَالِدٍ بِنْتِ خَالِدِ بْنِ سَعِيدٍ، قَالَتْ أَتَيْتُ رَسُولَ اللَّهِ صلى الله عليه وسلم مَعَ أَبِي وَعَلَىَّ قَمِيصٌ أَصْفَرُ، قَالَ رَسُولُ اللَّهِ صلى الله عليه وسلم ‏"‏ سَنَهْ سَنَهْ ‏"‏‏.‏ قَالَ عَبْدُ اللَّهِ وَهْىَ بِالْحَبَشِيَّةِ حَسَنَةٌ‏.‏ قَالَتْ فَذَهَبْتُ أَلْعَبُ بِخَاتَمِ النُّبُوَّةِ، فَزَبَرَنِي أَبِي قَالَ رَسُولُ اللَّهِ صلى الله عليه وسلم ‏"‏ دَعْهَا ‏"‏‏.‏ ثُمَّ قَالَ رَسُولُ اللَّهِ ‏"‏ أَبْلِي وَأَخْلِفِي، ثُمَّ أَبْلِي وَأَخْلِفِي، ثُمَّ أَبْلِي وَأَخْلِفِي ‏"‏‏.‏ قَالَ عَبْدُ اللَّهِ فَبَقِيَتْ حَتَّى ذَكَرَ يَعْنِي مِنْ بَقَائِهَا

ആശയം : 

ഉമ്മു ഖാലിദ് (റ) റിപ്പോർട്ട് ചെയ്യുന്നു: ഒരിക്കൽ ഞാൻ എന്റെ പിതാവിന്റെ കൂടെ അല്ലാഹുവിന്റെ റസൂലിന്റെ (സ്വ) അടുത്തു ചെന്നു. ഞാൻ ഒരു മഞ്ഞക്കുപ്പായം ധരിച്ചിരുന്നു. അല്ലാഹുവിന്റെ റസൂൽ (സ്വ) പറഞ്ഞു: സനഹ് , സനഹ് (അബ്ദുല്ലാഹ് പറയുന്നു - സനഹ് എന്നാൽ ഭംഗിയുളളത് എന്നാണ് ഹബ ശക്കാരുടെ ഭാഷയിൽ അർത്ഥമാക്കുന്നത്.). അങ്ങനെ ഞാൻ റസൂലിന്റെ തോളിനിടയിലുള്ള 'ഖാതമുന്നു ന്നുബുവ്വ' എന്ന മുദ്രയിൽ കളിക്കാൻ തുടങ്ങി. ഇത് കണ്ടപ്പോൾ എന്റെ പിതാവ് എന്നെ വഴക്കു പറഞ്ഞു. റസൂൽ പറഞ്ഞു : സാരമില്ല, അവളെ വിട്ടേക്കുക. പിന്നീട് അല്ലാഹുവിന്റെ റസൂൽ എന്നോട് മൂന്ന് തവണ പറഞ്ഞു..

أَبْلِي وَأَخْلِفِي

(ഇത് പഴകിക്കേ ടാവുവോളം ധരിക്കുകയും ശേഷം പകരം താങ്കൾക്ക് വേറെ പുതിയ വസ്ത്രം ധരിക്കാൻ അവസരം ഉണ്ടാവുകയും ചെയ്യട്ടേ - അതായത് നിനക്ക് ദീർഘായുസ്സുണ്ടാവട്ടേ എന്ന് ആശയം ). അബ്ദുല്ലാഹ് പറയുന്നു: പിന്നീട് ഉമ്മു ഖാലിദ് കുറേ കാലം ജീവിച്ചു.

(സ്വഹീഹുൽ ബുഖാരി)

https://sunnah.com/bukhari:3071

🍓🍓🍓🍓🍓

2.

قَالَ أَبُو نَضْرَةَ فَكَانَ أَصْحَابُ النَّبِيِّ صلى الله عليه وسلم إِذَا لَبِسَ أَحَدُهُمْ ثَوْبًا جَدِيدًا قِيلَ لَهُ تُبْلِي وَيُخْلِفُ اللَّهُ تَعَالَى ‏

അബൂ നദ്റ പറയുന്നു: അല്ലാഹുവിന്റെ റസൂലിന്റെ സ്വഹാബാക്കൾ അവരിൽ ആരെങ്കിലും പുതുവസ്ത്രം ധരിച്ചാൽ പുതു വസ്ത്രം ധരിച്ച വ്യക്തിയോട് ,

تُبْلِي وَيُخْلِفُ اللَّهُ تَعَالَى

 ‏

(താങ്കൾക്ക് ഇത് പഴകിക്കേടാവുവോളം ധരിക്കാൻ സാധിക്കട്ടേ, ശേഷം അല്ലാഹു തആലാ താങ്കൾക്ക് പകരം പുതു വസ്ത്രം നൽകട്ടേ) എന്ന് ആശംസിക്കുമായിരുന്നു. (സുനനു അബീദാവൂദ്)

https://sunnah.com/abudawud:4020